Бүгін Қаратөбе ауданының әкімі Асхат Шахаров Қазақстан Республикасының чемпионатынан жүлдемен оралған қос спортшыны қабылдады.
БҚО құрамы сапында болған жерлестеріміз Сүйесін Құмаров пен Фархат Қалиевке аудан басшысы Асхат Шахаров алғысын жеткізіп, ел намысын абыроймен алып жүруге, алдағы сайыстарына сәттілік тіледі.
Қос спортшы маусым айында Бішкекте өтетін Азия чемпионатында еліміздің намысын қорғамақ. 
Спортшылардың жаттықтырушысы Нұрхат Нысанов аудан басшысына ел сенімін ақтайтындығын жеткізді.
Кездесу соңында естелік суретке түсті.

Маралбек АМАНТАЕВ,
Қаратөбе ауданы