Батыс Қазақстан облысы төтенше жағдайлар департаментінің тапсырмасына сай Қаратөбе ауданының төтенше жағдайлар бөлімінің қызметкерлері ауданда келеңсіз жағдайлар мен аутокөлікте қауіпсіздік ережелерінің бұзылуына жол бермеу мақсатында аудан аумағында «Қауіпсіз көлік» акциясын өткізді.

Атап айтқанда, аудандық Ішкі істер бөлімі жол полициясының қызметкерлерімен бірлесіп, көлік жүргізушілеріне қатты аяз, боран кезінде жеке көлікпен алыс жолға шықпауын, электр сымдарының ақауын, өрт сөндіргіштің болуын, техникалық байқаудан өткізуін қадағалап т.б. түсіндіру жұмыстарын жүргізді. Сонымен қатар «Көлік жүргізушілер назарына!» атты жадынамалар таратты.

Серікбай ХАСАНОВ,
Қаратөбе ауданы