Жаңалықтар

26 қыркүйек күні Қаратөбе ауданына жұмыс сапарымен келген Қазақстан Республикасы Мемлекеттік қызмет істері агенттігінің Батыс Қазақстан облысы бойынша департамент басшысы, Әдеп жөніндегі Кеңес төрағасы Ғалым Тұрсынбаев аудан орталығындағы Қаратөбе ауылдық округі әкімі аппаратында, халыққа қызмет көрсету және жұмыспен қамту орталықтарында болып, мекемелердің жұмысымен танысты.

20 қыркүйек күні аудан әкімі Жанат Асантаев бір топ кәсіп бастаушы жастарға Нәтижелі еңбекпен қамтудың және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасының 2-ші бағыты аясында жаңа идеяларды іске асыруға арналған мемлекеттік грант сертификатын табыстады.

18 қыркүйек күні Қаратөбе ауданында үйірлі шегірткелерге қарсы химиялық улау жұмыстарының қорытындысы туралы шұғыл әрекет штаб отырысы өтті. Жиынға аудан әкімі Жанат Асантаев, БҚО аумақтық инспекциясының басшысы Лавр Хайретдинов, БҚО аумақтық инспекциясы өсімдік қорғау жөніндегі инспекция бөлімінің басшысы Ерлан Құрмашев, республикалық фитосанитарлық-диагностикалық және болжамдау әдістемелік орталығының БҚО филиалының басшысы Алтай Алдабергенов және тиісті бөлім, мекеме басшылары мен округ әкімдері қатысты.

Қаратөбе ауданында аудан әкімі аппараты персоналды басқару бөлімінің басшысы Мербол Есендосовтың төрағалығымен өткен жиында аудандық мекеме, ұйымдардың жастары бас қосты.

17 қыркүйек күні Қаратөбе ауданына келген «Nur Otan» партиясы Батыс Қазақстан облыстық филиалы төрағасының бірінші орынбасары Мұрат Мұқаев партия активімен кездесті.