Құрметті аудан тұрғындары!

Қазақстан Республикасының Президенті, ұлт көшбасшысы Нұрсұлтан Әбішұлы Назарбаев «Қазақстан-2050» Стратегиясында: «Дамыған қоғам барлық жерде тәртіп пен реттілік орнатудан, жайлы подъезден, жинақы ауладан, таза көшеден және жарқын жүзді адамдардан басталады. Біз ең ұсақ құқық бұзушылықпен, бұзақылықпен, мәдениетсіздікпен ымыраға келмеуіміз керек, өйткені, осының өзі қоғам тыныштығын бұзады, өмірдің сапасына селкеу түсіреді», - деп атап көрсетті. Бақылау тек біржақты, мемлекеттік қызметшілер тарапынан ғана емес, бүкіл бұқара болып жаппай қадағалауды ұйымдастыру мақсатымен «Халықтық бақылау» деген жаңа айдар ашылды. Енді ауданның әрбір тұрғыны өздері куә болған келеңсіз жайттар туралы оқиға орын алған жерден жедел хабарлап, әрі бейне-фотоматериалдарын жолдай алады.