«Егіндікөл ауылдық  округі әкімінің аппараты» мемлекеттік мекемесі туралы үлгі ереже

 

1.       Жалпы ережелер 

1. «Егіндікөл ауылдық округі әкімінің аппараты» мемлекеттік мекемесі заңды тұлға мәртебесіне ие, ауылдық округі әкімінің қызметін ұйымдастыру, құқықтық, ақпараттық талдау, консультативтік және материалдық  техникалық жағынан қамтамасыз етуді жүзеге асыру саласында (ларында) басшылықты жүзеге асыратын Қазақстан Республикасының мемлекеттік органы болып табылады.

2. «Егіндікөл ауылдық округі әкімінің аппараты» мемлекеттік мекемесі өз қызметін Қазақстан Республикасының Конститутциясы мен заңдарына, Қазақстан Республикасының Президенті мен Үкіметінің актілеріне, аудан әкімдігі қаулыларына, аудан әкімінің шешімдері мен өкімдеріне, ауылдық округі әкімі аппаратының жұмыс регламентіне,  өзге де нормативтік құқықтық актілерге, сондай-ақ осы Ережеге сәйкес жүзеге асырады.

3. «Егіндікөл ауылдық округі әкімінің аппараты» мемлекеттік мекеме ұйымдық-құқықтық нысанындағы заңды тұлға болып табылады, мемлекеттік тілде өз атауы бар мөрі мен мөртаңбалары, белгіленген үлгідегі бланкілері, сондай-ақ Қазақстан Республикасының заңнамасына сәйкес қазынашылық органдарда шоттары болады.

4. «Егіндікөл ауылдық округі әкімінің аппараты» мемлекеттік мекемесі азаматтық-құқықтық қатынастарға өз атынан түседі.

5. «Егіндікөл ауылдық округі әкімінің аппараты» мемлекеттік мекемесі егер заңнамаға сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.

6. «Егіндікөл ауылдық округі әкімінің аппараты»  мемлекеттік мекемесі өз құзыретінің мәселелері бойынша заңнамада белгіленген тәртіппен Егіндікөл ауылдық округі әкімінің өкімімен және Қазақстан Республикасының заңнамасында көзделген басқа да актілермен ресімделетін шешімдер қабылдайды.

7. «Егіндікөл ауылдық округі әкімінің аппараты»  мемлекеттік мекемесі құылымы мен штат санының лимиті қолданыстағы заңнамаға сәйкес бекітіледі.

8. Заңды тұлғаның орналасқан жері: Батыс Қазақстан облысы, Қаратөбе ауданы, Егіндікөл ауылдық округі, Егіндікөл ауылы, Құрманғалиев көшесі №5

9. Мемлекеттік органның толық атауы: «Егіндікөл ауылдық округі әкімінің аппараты»  мемлекеттік мекемесі.

10. Осы Ереже «Егіндікөл ауылдық округі әкімінің аппараты» мемлекеттік мекемесінің құрылтай құжаты болып табылады.

11. «Егіндікөл ауылдық округі әкімінің аппараты»  мемлекеттік мекемесі қызметін қаржыландыру жергілікті бюджеттен жүзеге асырылады.

2. «Егіндікөл ауылдық округі әкімінің аппараты»  мемлекеттік мекемесінің миссиясы, негізгі міндеттері, функциялары, құқықтары мен міндеттері

12.   «Егіндікөл ауылдық округі әкімінің аппараты»  мемлекеттік мекемесінің  миссиясы:

«Егіндікөл ауылдық округі әкімінің аппараты»  мемлекеттік мекемесінің  жұмыс регламентінің сақталуын қамтамасыз етеді;

13.   Міндеттері:

Азаматтардың өтініштерін, арыздарын, шағымдарын қарайды, азаматтардың құқықтары мен бостандықтарын қорғау жөнінде шаралар қолданады;

Салық және бюджетке төленетін басқа да міндетті төлемдерді жинауға жәрдемдеседі;

Әкім аппараты әкімшісі болып табылатын бюджеттік бағдарламаларды әзірлеп, тиісті мәслихаттың бекітуі үшін жоғары тұрған әкімдіктің тарауына енгізеді;

тұрғын үй қорының құрылысы мен жөнделуін, жолдарды пайдалану мен күтіп ұстауды ұйымдастырады;

шаруа (фермер) қожалықтарын ұйымдастыруға, кәсіпкерлік қызметті дамытуға жәрдемдеседі;

тарихи және мәдени мұраны сақтау жөніндегі жұмысты ұйымдастырады;

табысы аз адамдарды анықтайды, жоғары тұрған органдарға еңбекпен қамтуды қамтамасыз ету, атаулы әлеуметтік көмек көрсету жөніндегі ұсыныс енгізеді, жалғызілікті қарттарға және еңбекке жарамсыз азаматтарға үйінде қызмет көрсетуді ұйымдастырады;

жергілікті әлеуметтік инфрақұрылымның дамуына жәрдемдеседі;

қоғамдық көлік қозғалысын ұйымдастырады;

шұғыл медициналық көмек көрсету қажет болған жағдайда ауруларды дәрігерлік көмек көрсетіп таяу жердегі денсаулық сақтау ұйымына дейін жеткізіп салуды ұйымдастырады; заңдарда  белгіленген тәртіпте нотариаттық іс-әрекеттер жасауды, азаматтық хал актілерін тіркеуді ұйымдастырады;

мектепке дейінгі ұйымдарды, мәдениет және спорт мекемелерін материалдық-техникалық қамтамасыз етуде қолдау көрсетеді және жәрдемдеседі;

елді-мекендерді абаттандыру, жарықтандыру, көгалдандыру және санитарлық тазарту жөніндегі жұмыстарды ұйымдастырады;

туысы жоқ адамдарды жерлеуді және зираттар мен өзге де жерлеу орындарын тиісті қалпында күтіп-ұстау жөніндегі қоғамдық жұмыстарды ұйымдастырады;

Қазақстан Республикасының Президенті мен  Үкіметі актілерінің орталық және жергілікті мемлекеттік органдар нормативтік құқықтық актілерінің нормаларын орындауына жәрдемдеседі;

өз құзыреті шегінде жер қатынастарын реттеуді жүзеге асырады;

өз құзыреті шегінде жалпыға бірдей әскери міндеттілік және әскери қызмет, азаматтық қорғаныс, сондай-ақ жұмылдыру дайындығы мен жұмылдыру туралы мәселелер бойынша заңдардың орындалуын ұйымдастырады және қамтамасыз етеді;

жергілікті өзін-өзі басқару органдармен өзара іс-қимыл жасайды;

шаруашылықтар бойынша статистикалық есепке алуды жүзеге асырады;

жергілікті бюджетті бекіту кезінде мәслихат сессияларының жұмысына қатысады;

көлікті және инженерлік инфрақұрылым обьектілерін пайдалануды ұйымдастырады, өз құзыреті шегінде су пайдалану мәселелерін реттейді;

басқаруына берілген аудандық коммуналдық мүлікті жеке тұлғаларға және мемлекеттік емес заңды тұлғаларға кейіннен сатып алу құқығынсыз мүліктік жалға (жалдауға) береді;

берілген коммуналдық мемлекеттік кәсіпорындар қызметінің басым бағыттарын және бюджеттен қаржыландырылатын жұмыстарының (көрсетілетін қызметтерінің) міндетті көлемдерін айқындайды;

берілген коммуналдық мүліктің сақталуын қамтамасыз етеді;

берілген аудандық коммуналдық заңды тұлғаларды басқаруды жүзеге асырады;

жергілікті атқарушы органның шешімімен бекітілетін, басқаруына берілген аудандық коммуналдық мемлекеттік кәсіпорынның жылдық қаржылық есептілігін келіседі;

басқаруына берілген коммуналдық қазыналық кәсіпорындар өндіретін және өткізетін тауарлардың (жұмыстардың, көрсетілетін қызметтердің) бағаларын белгілейді;

берілген аудандық коммуналдық мемлекеттік мекемелердің жергілікті бюджеттен қаржыландырылуының жеке жоспарларын бекітеді;

 

14.  Құқықтары мен міндеттері:

жергілікті атқарушы органдардан, комитеттер мен басқармалардан қажетті ақпараттар алады, сондай ақ оларға орындауға міндетті тапсырмалар береді;

меншіктің барлық нысандарындағы кәсіпорындардан, мекемелер мен ұйымдардан қажетті ақпараттар,құжаттар, басқа да материалдар, округ әкімінің аппараты құзыретіне қатысты мәселелер бойынша ауызша және жазбаша  түсініктемелер сұратып алады;

мемлекеттік органдар қарамағындағы бар ақпараттық мәліметтер банкін пайдаланады;

округ әкімінің аппараты жүргізуге қатысты мәселелер жөнінде мемлекеттік емес органдармен қызметтік хат хабар алмасады;

Президент актілерінің, Үкімет қаулыларының, облыс әкімі, аудан әкімі шешімдері мен өкімдерінің орындалуына тексеру жүргізеді, анықталған  кемшіліктерді жою жөнінде шаралар алады;

Аудан әкіміне ведомостволық бағыныстағы комитеттің, бөлім меңгерушілерін қызметтен босату, сондай-ақ оларды тәртіптік жауапкершілікке тарту жөнінде ұсыныстар енгізеді;

округ әкімінің тапсырмасы бойынша округтегі атқарушы органдар қызметкерлерін әкім аппаратының құзіретіне қатысты мәселелерді  шешуге қатысуға тартады;

Округ әкімі аппаратының мемлекеттік органдардан қажетті материалдарды, хабарларды табыс ету жөніндегі талабы, егер оның орындалуының басқа мерзімі белгіленбесе, ол заңда белгіленген мерзімде орындалуға жатады;

 

3.  «Егіндікөл ауылдық округі әкімінің аппараты» мемлекеттік мекемесі қызметін  ұйымдастыру

15.   «Егіндікөл ауылдық округі әкімінің аппараты» мемлекеттік мекемесі басшылықты аудан әкімі аппаратынан жүктелген міндеттердің орындалуына және оның функцияларын жүзеге асыруға дербес жауапты болатын бірінші басшы жүзеге асырады;

16.   «Егіндікөл ауылдық округі әкімінің аппараты»мемлекеттік мекемесінің бірінші басшысын аудан әкімі қызметке тағайындайды және қызметтен босатады.

                    

4.       «Егіндікөл ауылдық округі әкімінің аппараты» мемлекеттік мекемесінің  мүлкі

17.   «Егіндікөл ауылдық округі әкімінің аппараты»мемлекеттік мекемесі заңнамада көзделген жағдайларда жедел басқару құқығында оқшауланған мүлкі болуы мүмкін.

«Егіндікөл ауылдық округі әкімінің аппараты»мемлекеттік мекемесі мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де  көздер есебінен қалыптастырылады.

18.   «Егіндікөл ауылдық округі әкімінің аппараты»  мемлекеттік мекемесіне бекітілген мүлік республикалық/коммуналдық меншікке жатады.

19.   Егер заңнамада өзгеше көзделмесе,  «Егіндікөл ауылдық округі әкімінің аппараты» мемлекеттік мекемесі өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқы жоқ.

 

5.       Мемлекеттік органды қайта ұйымдастыру және тарату

20.   «Егіндікөл ауылдық округі әкімінің аппараты» мемлекеттік мекемесін қайта ұйымдастыру және тарату Қазақстан Республикасының заңнамасына сәйкес жүзеге асырылады.

 

Ескертпе:* Қазақстан Республикасының Президентіне тікелей бағынатын және есеп беретін мемлекеттік органдар, орталық және жергілікті атқарушы органдар, сондай-ақ Қазақстан Республикасының сайлау комиссияларының бірыңғай жүйесіне басшылық ететін мемлекеттік орган, адам құқықтары жөніндегі уәкілетті органның қызметін ақпараттық талдамалық, ұйымдастырушылық-құқықтық және өзгелей де қамтамасыз ететін мемлекеттік орган, Қазақстан Республикасының Жоғарғы сотының жанындағы соттардың қызметін ұйымдастыру және материалдық-техникалық қамтамасыз ету жөніндегі орган, мемлекеттік атқарушы органдардың қызметін үйлестіруді, сондай-ақ мемлекеттік құпияларды қорғау мен ақпараттық қауіпсіздікті қамтамасыз ету жөніндегі мемлекеттік орган.

 

Егіндікөл ауылдық округі –ауданның солтүстік шығысына қарай 110 шақырым  жерде облыс орталығының оңтүстік шығысында  270 шақырым жерде орналасқан. Округтің жалпы аумағы 143305 га , оның ішінде 14695 га елді мекен жерлері, 128610 ауыл шаруашылық жерлерін алады және ауданның Қаркөл, Қоскөл ауылдық округтерімен  оның ішінде Шыңғырлау ауданы, Ақтөбе облыстарымен шекараласып жатыр, 30 шм радиуста  Орал-Жымпиты - Ақтөбе   күре жолдарына жақын орналасқан.Егіндікөл – ерекше сұлу табиғи  аймақта  орналасқан,ауылдың орталығындағы жер астынан өз арнасымен шығып жатқан бұлағы бар,бұлақтан аққан тұщы су ауыл шетіндегі көлге құйып жатыр,бұл көлде көптеген аң құстар мекен етеді. Аққұм, Қалдығайты өзенінің оң жағалық жайылмасында, көкпек, бетеге, еркекшөп басым, шалғынды қоңыр сортаңдау қоңыр топырақты шөлейтті белдемеде  орналасқан. Табиғаты сытық, құрғақ  жаз және қысы салқын. Мал шаруашылығына қолайлы  округке Егіндікөл ауылы, Калинин, Тұрғанбай, Жігерлен, Жамансай,Бұлақсай мал қыстақтары кіреді. Округтің тұрғындары 1192 адам, жергілікті тұрғындар қазақ. Округте 1 әкімшілік мекемесі, 1 жалпы орта білім беретін мектеп, 1 мәдениет үйі, 1 кітапхана, 1 балабақша,1 ауылдық дәрігерлік амбулатория, 1 пошта бөлімшесі, 4 дүкен халыққа қызмет көрсетеді. Егіндікөл – жер аты. Есенаман тауының етегінде егін салған, жылма жыл мол өнім алған соң бұл жерді Егіндікөл деп атаған. Себебі, көгеріп шыққан көп тары көлкіп жайқалған көлдей болып көзге көрінеді екен. Ауылда 1928 жылы «Гигант» және «Комунна»  серіктестері құрылған. 1929 жылы «Мойынқос», 1931 жылы Артель болып ұйымдасқан.1938 жылдың  аяғында «Социализм»  және «Жаңа қоныс» колхоздары  болып  іріленіп қайта құрылды. Қарт коммунист, малшы  Сәлімгерей  Жұматаев  колхоздың алғашқы  Басқарма  төрағасы  болды .Ол Қазақстан   Орталық комитетінің  мүшесі болған, 1950 жылы  бұл екі колхоз біріктіріліп  «Социализм» колхозы болды.1957 жылы осы колхоздың  негізінде  Қоскөл  қой совхозы құрылды. 1967 жылы  Егіндікөл совхозы  болып  өз алдына  бөлініп шықты. Совхоздың алғашқы директоры  Нұрғалиев Ғабдолла болды. Әр жылдары совхоз  директорлары  болып  Әлиев Әбдірашид  (1970-1973 (Мәтжанов   Жүсіп  (1973-1983) , Карманов Хамит  (1983-1995) жылдары  директорлық қызметте болған, құрамына 3 ферма  (Жігерлен, Тұщықара  және №1 - ферма)  елді   мекендері  кірген. Егіндікөл  совхозы  негізінен  ірі қара   және қой  малын  өсірумен  және егістік  жер көлемі  10100 га  жерге  егіс  егумен  айналысқан. Егіндікөл  совхозы  заман талабына сай 1995  жылы  Егіндікөл өңдірістік   кооперативі  болып  (1995-1999)  жылдары өзертіліп, бұл жылдары  шаруашылық директоры  болып Тоқсанов Қайыржан  Виленұлы  жұмыс жасады. Осы кооперативтен  өздерінің  пай үлесімен 1997 жылдан бастап  шағын шаруашылықтары  бөлініп шыға бастады. 1999 жылы  өңдірістік  кооператив  банкрот деп танылуына  байланысты  толығымен  таратылды. Осыған орай  ауылдың  Егіндікөл  совхозы  атауы жойылып,Егіндікөл  ауылы атанып  кетті

 

   Мал шаруашылығы

 

 Қазіргі ауыл шаруашылығы  саласында  жұмыс жасап жүрген  15 шаруа  қожалығы болса, 2018  жылы   шаруа қожалықтарының  саны  22-ге  жетті. Округтегі  ірі шаруа  қожалықтарының бірі көп  жылдардан асыл тұқымды   қазақтың  ақ бас  сиырын  өсірумен  айналысып  келе жатырған  «Өтебаш» шаруа  қожалығы (жеткешісі Баянова  А)  2018 жылдан  бастап толығымен  асыл тұқымды малдар санатына  жатқызылды. 2013 жылы  аумақтағы  шаруа  қожалықтары  жаңа техникалар  алса. Атап айтқанда  «Асыл  қадыр» ш.қ(жет.Кушкенбаев С) – МТЗ-80  тракторын   -2 дана, шөп рулондайтын  пресс-1 дана «Өтебаш» ш.қ 1 МТЗ-82  тракторы және шөп рулондайтын  пресс-1 дана, 2018 жылы Жаңа МТЗ-92 тракторын  «Тимур» ш. Қ (жтекшісі Саршолақов Е) МТЗ-82  тракторы және шөп рулондайтын  пресс-1 дана өз қаражаттарына  сатып алып өз шаруашылықтарын көтеруде. Округтегі  мал саны  туралы   мәліметтерге  келетін болсақ -2017 жылы  ірі қара  -2044 бас  болса, 2018 жылы  -3034  бас болып, мал басы  67% көбейіп отыр, қой-ешкі  2017 жылы  - 5595  бас болса, 2018 жылы  - 7331  бас болып, мал басы 76% өсті, 2017 жылы  жылқы-180 бас болса, 2018 жылы-289 бас болды, өткен  жылмен салыстарғанда  62% -өсіп отыр, құстар  2017 жылы 2362 болса, 2018  жылы  1712  бас болып  72%-ға өсті

Округтегі  өсімдік шаруашылығы

Округ бойынша ауыл тұрғындары өз аулаларына баубақша егуіне толық жағдай жасалған  бүгінгі күні 115 аула өз аулаларына  11 га жерге бау-бақша, көкініс  өсірумен     айналысып келеді. 2017  жылы  11 га  жерге  бау-бақша,және  көкініс  отырғызылып, 342 т  бау-бақшадан,76 т көкіністен өнім алды, 2018 жылы  3 га  жерге картоп отырғызылды, Биылғы жылдары өз аулаларына еккен   бау-бақша, көкіністерінен жақсы, тиісті  өнімдерін  алу жоспарлануда.

Шағын және орта бизнс

Округ  аумағында  аудандық  салық  басқармасына  тіркеліп,  жұмыс жасап  жатырған 11 жеке кәсіпкерлер  және  22 шаруа қожалықтары  бар. Осы шағын және  орта  бизнес  өкілдерінде  59  адам тұрақты  және  маусымдық  жұмыстар  атқаруда. Осының  ішінде  4 азық-түлік  тауарларын  сатумен айналысса, 4  жеке  кәсіпкер  киім-кешек  сатумен  қалған 3 жеке  кәсіпкер  кісі тасымалымен  айналысып, халыққа  қызмет  жасауда. Сонымен қатар округте  «Жұмыспен қамту -2020»  бағдарламасын жүзеге  асыру бағытында «Қаратөбе аудандық  жұмыспен қамту орталығы» арқылы округтен құрылған 2 жеке кәсіпкер   «Игилик» бағдарламасын іске асыру мақсатында 3300000 теңге  несие  беріліп, ол қаржыға ірі қара мал  сатып алып өз шаруашылықтарын көтеруде. Қазіргі таңда  осы жеке кәсіпкерлер 2 адам  өз  өз жобаларын  іске асыру  бағытында жұмыстанып, қосымша 2 жұмыс  орнын ашты.2017 жылы  «Игилик»  бағдарламасы 6 млн.  ауылшаруашылығын  қаржылай қолдай  қорынан  кепіл  қою арқылы  3 адамға «Береке» бағдарламасы бойынша 12 млн   теңге  несие  беріліп, бизнес  жобасына сай қаражатты  мақсатты  пайдаланып  бүгінгі  күні  мал өсірумен  айналасып отыр..

 

Білім беру саласы

Округтегі  Егіндікөл  ОЖББ  мектебінде  2017-2018  оқу жылында  148  оқушы  білім алса, 2017-2018 жылғы мектеп  бітіруші  түлектер  12 оқушы  тәмамдап  орташа ҰБТ  қорытындысы  90,4%Мектепте  42  мұғалім  жұмыс жасайды 34  жоғары  білімді,8 арнаулы  орта білімді  мұғалім.2015 жылы  3 мұғалім  3 деңгейлі оқу  арқылы  білімін жетілдірді.Мектеп  компьютерлерімен  қамтамасыз етіліп, «Интернет» желісіне қосылған

 

Балалардың  мектепке дейінгі  мекемелермен қамтылуы

«Балапан» бағдарламасының  аясында  Егіндікөл  ауылында «Балбұлақ»  балабақшасы  жұмыс жасайды.2007 жылы  20 орындық  болып  ашылған  балабақша  2016  жылдан  30  орындық  болып, 2018 жылы қосымша ғимараты жөндеуден өтіп «Балбұлақ» бөбекжайы болып жұмыс жасауда. Бүгінгі күні 2-5 жас аралығындағы 30 бала тәрбиеленуде. Балабақша  тиісті  маман кадрлармен қамтылған. 2018  жылы  «Балбұлақ»  балабақшасы «Балалар күніне» орай  өткізілген  аудандық  шарада  ең үздік  бала-бақша  номинациясына  ие болса, «Айгөлек» фестивалінде  бас жүлдеге  ие болды. Сонымен қатар, Егіндікөл  ОЖББ  мектебі  жанындағы  шағын орталықта 10 бала тәрбиеленуде

 

                                 Денсаулық сақтау саласы

Денсаулық сақтау саласында 1 ауылдық дәрігерлік амбулатория жұмыс жасайды, 1 жоғары білім дәрігер және 4 арнаулы орта мамандығы бар медициналық қызметкерлер еңбек етеді. Ауылдық дәрігерлік амбулаторияға телефон байланысы орнатылған. СДА санитарлық автокөлікпен қамтылған. Амбулаторияда 8 керуеттік күндізгі стационар  жұмыс жасайды. 2017 жылдың 6 айында 330 науқас, 2018 жылдың 6 айында 148 науқас тегін емделді. Жүрек-қан тамырлары ауруларын ерте анықтау мақсатында скрингке 564 адам жоспарланып тексеруден өтті. 36 науқас анықталып, есепке алынып, емделуде. ҚР Денсаулық сақтау саласын дамытудың «Саламатты Қазақстан» Мемлекеттік бағдарламасы бойынша соңғы екі жыл қатарынан ауылымызға консультациялық-диагоностикалық пойыз келіп тұрғындарға тегін қызмет көрсетуде. Ауру түрлеріне байланысты диспансерлік есепте тұратын ересектер бұрын 50% жеңілдікпен дәрі алса, биылғы жылдан бастап барлығы да тегін дәрі-дәрмекпен қамтылуда.

 

Мәдениет саласы  

Ауылдық мәдениет үйінде Елбасының халыққы арнаған жолдауларынан туындайтын және мәдени мұра бағдарламасын іске асыру бағытында түрлі мәдени іс-шаралар өткізіліп тұрады. Мәдениет үйінде 4 жоғары білімді, 1 арнаулы орта, 3 орта білімді 8 қызметкер қызмет атқарады, мәдениет қызметкерлері жыл бойына өздеріне белгіленген жоспарға сай мерекелік іс-шараларды өткізді және көрші Шыңғырлау ауданының округтеріне және аудан округтеріне концерттік бағдарламамен шығып, өнерлерін көрсетті. Мәдениет үйінде ``Ақмаржан``вокалдық ансамблі, ``Жастар``қоғамы, ``Ақниет`` қайырымдылық қоғамы жұмыс жасайды. Округтегі кітапханалардағы кітап қоры жылма-жыл көбейіп келеді. 2017 жылы 8911 дана, 2018 жылы 9057 дана болып отыр. Сонымен қатар аумақтағы клуб, кітапхана және ауылдық жастар ұйымы бірлесіп атаулы мерекелерді үнемі атап өтіп отырады. 2017 жылы 43 іс-шара, 2018 жылы 48 көпішілік іс-шаралар өткізілді.

Жасыл желкен оқушыларды аудандық жазғы туристік   демалыс орталығы

  Егіндікөл ауылының орталығынан 2016 жылы аудандық оқушылардың жазғы демалыс «Жасыл желкен» орталығы ашылып 2016 жылы қайта жөндеуден өткізіліп, бүгінгі күні  ауданның барлық мектептерінің оқушылары жыл ішінде  200 оқушыға демалуға жағдайлар жасалған. Демалыс кезінде аудандық туризм орталығының бағдарламасына сай кезең кезеңмен  апта сайын  20 оқушы демалуда. Егіндікөл ауылының тарихи жерлерімен танысып атап айтқанда «Аққұм» қорығы, ауыл ішіндегі бұлақ, Есенаман тауы, Құныскрей үңгірі т.б жерлерді тамашалауға толық жағдайлар жасалған. «Жасыл желкен» демалыс орталығының алдына жаңа саябақ салынып, «Өңірлерді дамыту» бағдарламасы аясында саябақ алаңына жаңа үлгідегі шағын футбол алаңы және жазғы түрлі мерекелік шараларды өткізуге арналған сахана құрылысы салынды,

 

 

 

Егіндікөл ауылдық округі бойынша жыл бойына атқарылған жұмыстар «Рухани жаңғыру» бағдарламасы аясында

Мақсаты

Шақырылған қонақтар

Өткізілген күні, орыны

Қатыс-

қан адам саны

Бөлінген қаражат

1

Елбасымыздың «Рухани бағдарламасы» бойынша   ауыл жастарын  қазақ елінің бәсекеге қабілетті, жан –жақты дамытуға ұмтылуға, ұлттық ерекшелігімізді, құндылығымызды сақтай білуге, туған жер тұтастығы мен ел болашағының негізіне

 атсалысуға шақыру.  Ауыл жастарын  ұлттық  спорт түрлерін дәріптеуге шақыру.

Қазақтың салт дәстүрлерінін дәріптеу;

 

Қатысқан командалар Ақсай қаласы, Сырым, Қаратөбе аудандары, Егіндікөл ауыл жастары құрама командасы

 

20 тамыз 2017  жыл. Жазғы әр түрлі шараларды  өткізуге арналған  Орталық саябақта

135

 

 

 

 

 

 

 

 

 

 

 

 

 

 

 

 

 

 

 

 

 

 

Жеке кәсіпкер А.Жұманов             өз қаражатынан

2

Аудан жастары арасында «Рухани жаңғыру» болашаққа бағдар  Елбасының мақаласы негізінде ауылдағы тарихқа толы «Аққұм», «Құныскерей» үңгірі аймақтарына экспидициялық саяхат жүргізу. Ауылдағы тарихқа толы мекендермен таныстыру, олардың тарихымен бөлісу, туған жердің қасиетін ұғындыру.

 

мекемесінің  қызметкерлері, аудан жастары.

21 тамыз 2017 жыл

«Аққұм» қорығы, Қалдығайты өзені жағалауы

«Құныскерей» үңгірі

31

«Қаратөбе аудандық жастар ресурстық орталығы» МКМ есебінен

3

Жерлестер форумының мақсаты: Ауыл жастарын «Туған жер» патриоттық бағдарламасы аясында туған жерге патриоттық тәрбиені қалыптастыру,  тәрбиелеу

Жерлесіміз Орал қаласының тұрғыны жеке кәсіпкер Тажығалиев Жаркын ауыл тұрғындарына өз қаражатына алған  шынжыр табанды ДТ-75 тракторын табыс етті. Жерлесіміз Орал қаласының тұрғыны  жеке кәсіпкер М.Нурпекеев орталық саябаққа, мекемелер алдына өз қаражатына алған 25 түп қарағай ағашының көшетін отырғызды ауыл тұрғындарын жастарды туған жер тұтастығы мен ел болашағының негізіне ат салысуға шақыру.

Соңы ауыл көркем өнерпаздарының мерекелік концертіне ұласты;

 

Шақырылған қонақтар:

М.Шалменов –профессор,                 Орал қаласының тұрғыны

Ж.Тажыгалиев- жеке кәсіпкер, Орал қаласының тұрғыны

Н. Тналиев –Рессей,                     Мәскеу қаласының тұрғыны

Т.Ибрашев-      жеке кәсіпкер,  Ақтөбе қаласының тұрғыны

А.Жұманов- жеке кәсіпкер,             Ақсай қаласының тұрғыны

М.Нурпекеев- жеке кәсіпкер,    Орал қаласының тұрғыны

Ж.Жайгалиев –«Өтебаш»ш.қ жетекшісі

Б.Ахатов- «Ахат» ш.қ жетекшісі

 

25 қазан 2017 жыл.

Жазғы әр түрлі шараларды өткізу Орталық саябақта

248

Демеуші                 жеке кәсіпкерлер             өз қаражаттарына

4

Қазан айында өткізілген облыстық байқауда аудан намысын қорғап бірінші орын алған ауылымыздың құрметті азаматы құрметті ақсақалы Сердалин Ертай ағамызбен кездесу кеші оздырылды.

Елбасымыздың «Рухани бағ-дарламасы бойынша оқырмандарға қазақ елінің        бәсекеге қабілетті,  жан –жақты дамытуға ұмтылуға, ұлттық ерекшелігімізді, құндылығымызды сақтай білуге, туған жер тұтастығы мен ел болашағының негізіне ат салысуға шақыру;

Ауыл ақсақалы Сердалин Ертай,

Аудандық кітапхана басшысы                        Гулбану Салауатқызы

және қызметкерлері,

Ауылдық мекеме басшылары

17 қараша 2017 жыл.

Мәдениет үйінде

68

Кітапхана қызметкерлері

5

Ауыл жастарының ұйымдастыруымен ауылдық мешітке  жылу жүйесін орналастыру. Ауыл жастарын имандылыққа тәрбиелеу;

 

23 қараша 2017 жыл

Ауыл мешіті

25

Ауыл жастары өз қаражат-тарымен

 

 

2018 жылы  округ бойынша Елбасы Н.Ә.Назарбаевтың «Болашаққа бағдар:рухани жаңғыру» бағдарламалық мақаласы және  Қаратөбе  ауданынынң  90 жылдығы  аясында Егіндікөл ауылдық  кітапханасында  ұрпақ  бойына  туған жерін сүюге, оның  табиғаты мен тарихы мен  мәдени құндылықтарын терең  тани білуге баулауды мақсат еткен «туған өлкем-тұнған шежіре» атты шара оздырылды.

Аталмыш шара ауыл іргесінде жақан «Құныскерей үңгірі»аталып кеткен тарихи орында  өз жалғасын тапты. Құныскерей үңгірі-Егіндікөл ауылынан 2-3 шақырым жерде орналасқан. Осы жерді Батыс Қазақстан облысының киелі жерлеріне жатқызады.Осы киелі саналатын жерге Қаратөбе аудандық жастармен жұмыс жөніндегі ресурстық орталықтың ұйымдастырумен  QR-код тақтайшасы орнатылды. Бұл жерге келген әрбір адам смартфонмен  арнайы енгізілген суретті сканерлеу арқылы  Құныскерей үңгірі туралы толықтай  ақпаратты ала алады.

Ауыл орталығындағы жаңадан ашылған саябақ ішіне  2005 жылғы мектеп бітіруші түлектер өз қаражаттарына «Менің жүрегім Егіндікөл» белгі орнатты .

 

Көктемдегі тазалық жұмыстары 

 

 

 

2018 жыл бойына ауылдың барлық көшелеріне тазарту жұмыстары жүргізілді. 475 тонна күл-қоқыс шығарылып, ауыл шетіндегі тұрмыстық қатты қалдықтар төгетін орынның айналасын ДТ-75 булдезер тракторымен жинасытырылып, айналасы тазартылды. Үш көшеге 25 көше шамы жаңадан қойылды, округ бойынша жалпы саны 42 көше шамы жарық беріп тұр. Орталық саябаққа және мекеме маңдарындағы бұрын егілген 500 түп жас ағаш көшеттері күтімге алынып. Сондай-ақ жаңадан жасалынған орталық саябаққа 264 ағаш көшеті отырғызылды. Ауыл тұрғындары термениал байланыс және интернет жүйесімен қамтылған, 1 ұялы телефон актив қондырғысы және 1 ұялы «beeline» қызмет көрсетеді. 2015 жылы Егіндікөл ауылдық округінен бюджетке түскен түсім, салық түсімдері 100%- ға толық жиналды.

Елбасымыздың «Рухани бағдарламасы»бойынша ауыл жастарын қазақ елінің бәсекеге қабілетті ,жан- жақты дамытуға ұмтылуға ,ұлттық ерекшелеігімізді                      

                                    

Таза сумен қамтылуы

 

«Таза су» бағдарламасына сай 2009 жылы басталып, құрылысы аяқталмаған су құбырына 2012 жылы мемлекеттен 30 млн теңге қаржы бөлініп, қазан айында "АЖ-АС строй" ЖШС құрылыс жұмыстарын толық аяқтап, бүгінгі күні ауыл тұрғындарына ауылішілік 1 құдықтан ауыз су берілуде. 2018 жылы 155 отбасы өз үйлеріне су құбырын тартып, өз аулаларына бау-бақша егулеріне толық мүмкіндік алды. Алдағы жылы да бұл жұмыстар өз жалғасын табады.